[100%] 
تلاقيت نا وياه .. ماشي وجنبه ماشين ضناه
الغايـــــــــــــــــــب بعد مده
امعاه عويله .. قابل وكانت غايتي نمشيله
نسلم عليه ..نعاتبه ونحكيله ليش الغياب وليش طال جفاه
واذكرت كي ريتا اسنين جميله
اياما وهو فاضي ونا مشكاه
كنا نتلاقوا كل يوم وليله
وماضي تواري كنت فيه امعاه
وانقطعن اخباره وين شال رحيله
عليا تباعد كنت جاره احذاه
ودورت واجــــــــــــــــــــــــــــــد ما لقيت وسيله
ونحسابه الغالي ما يــــــــــــطول رجاه
واليوم قابل بو عيون كحيله
وماحس كي مريت من يالاه
صفقت بيديا ونا نوميله
وانقول في سري الله الله
معاه اصغاره.. غض النظر واطي علي انظاره
عديت شوره ودمعتي منهاره
وتميت نمشي ف الطريق وراه
تمتمت كلمه قلتله عباره
وعاودت شريط الزمان امعاه
حاولت نحكيله انجيب اشاره
ونجيب ذكره اتذكره
لكن الباين من عيونه اخساره
ناسي الماضي وكل ما قلناه
ولاجاب مني شي في تذكاره
وحتي كلامي مافهم معناه
مديت يدي وقلتله بابصاره
كل شي درته في الحياه تلقاه
تلاقيت نا وياه .. ماشي وجنبه ماشين ضناه
الغايــــــــــــــــــــــــــب بعد مده........
